na ansu nikle na awaz aayee

na ansu nikle na awaz aayee

dil toot gaya hamara par baat juba par na aayee

kis se kehte hum hale-dil apna

jab jab najar uthayee, khud ki tasveer najar aayee


yu laga kismat ne li fir angdayee

ye kya hua, ek bar dard ki lehar fir aayee

khud ko to sambhal liya par waqt par jor na chal saka

kabhi hawa se thokar khayee to kabhi lamho se saja payee


dil ne na jane kaisi kaisi chahat banayee

har sapna har manjil adhuree najar aayee

bas ek himmat hi hai jo hame apni najar aayee

bas isi ke dum pe hamne iss jaha me thodi si jageh apni banayee


par aise jine ka mann nahi karta ab

badi bereham hai ye duniya, sansein lene ka man nahi karta ab

par hamari jindagi par auro ka bi haq hai

ghabra nahi pyare ye bi ek waqt hai


badlega mausam, hawa ka rukh bi badlega

apna waqt aayega to sabka waqt badlega

bas isi umeed mein ji rahe hai hum

par khali umeed se jivan nahi badlega


bohat kuch karna hai, bada lamba safar hai

na jane kya hoga, bas manjil pe najar hai

e bhagwan tu sath de mera

tere hi sahare iss duniya mein aman hai

socho jara aisa ho to kya ho

pani doob jaye dariya mein to pani ka kya ho

sans lene lage hawa to hawa ka kya ho

aag jalne lage khud se to rakh kon ho

andhera gum jaye andhere mein to roshani ka kya ho


log karte rahe arzoo to arzoo ka kya ho

band rahe ankhen to najro ka kya ho

dhdakta rahe dil to insaan ka kya ho

chalti rahe sansein to jindagi ka kya ho


kya hoga jab waqt bewaqt ruk jayega

ek din suraj jal kar rakh ho jayega

chanda rahega dharti par ya andhere mein gum jayega

kya hoga taro ka jab chanda kho jaye


kya hoga vishwas ka jab dhoka nahi hoga

kya hoga sapno ka jab koi sota nahi hoga

kya hoga khusiyon ka jab dukh nahi hoga

kya hoga haqiqat ka jab jhoot nahi hoga

Tu aur teri yaad

teri ankho ki gehrayee mein doob jane ka man karta hai

teri muskurahat pe ja nissar karne ka man karta hai

ye tere lehlahate sunehre balo ki kasam........

teri iskq ki diwanagi mein had se gujar jane ka man karta hai


teri sadagi hai sona tera......

iss sone ki tapis mein jal jane ka man karta hai

wo murat hi kya teri surat nahi jisme...

har murat pe teri surat banane ka man karta hai


e kash tu hawa ban jati, hum sanso mein basa lete tujhe..

e kash tu najar ban jati, hum ankho mein chipa lete tujhe...

e kash tu dekh sakti chahat meri...

ishq samander mein pyar ki kashti se le jate tujhe


jiya jata nahi bina dekhe tujhe

tujhe mehsoos karke jiye ja rahe hain

nahi hai tu kismat hamari......magar

apni kismat ko dhoka diye ja rahe hain

Meri jannat jaha hai

Aahat, jise hum mehsoos karte they

Awaz, jise hum suna karte they

wo chera tha anjana tera

jise band ankho se hum dekha karte they


badlo mein teri tasveer banate they

pani ki barf hato mein jamate they

sagar ki lehre uthti thi kinaro ki taraf

har kinare pe khade hoke hum tujhe awaz lagate they


tera milna tha yu kismat hamari

kyon har lakeer par hum kehar dhate they

tera ishk hi to jannat hai

kyon hum asuon ka makbara banate they


jindagi tere naam kar dunga

har khusi tujhpe nisaar kar dunga

tujhe pana hi to ab ik sapna hai

na mili to akhri salam kar dunga


o pariyo ki rani baharo ki malika

meri sanson ki kasti ab tere hi sahare hai

dubna chati hai ye ishk ke samandar mein

na dubi to iski duniya tere hi hawale hai

izhare dil 7 din ka

jab bhi teri yaad aayee

labo pe tera naam aaya

nazro ko dikhi tasveer teri

sanson ko tere kareeb paya


tujhe ishk karne ki chah mein

sayad hum jeena bhool gaye

yun to begane they duniya mein

ab khud se bhi begane hone lage hain


e ghata tu bata

kya haal hai mere dildaar ka

e hawa tu bata

kya unki sansein hame yaad karti hain


e chand tu bata

kya hamari tareh wo bhi tujse baat karte hain

o nazaro tum batao

kya wo bhi hame dekha karte hain


awaz aati hai magar

kano ko tasali nahi milti

nazar aate hain magar

ankhon ko karar nahi aata


yun to intzaar mein rehte hain har dum

magar aaj palke nahi jhukti

sansein pegam lati hain unke aane ka

magar e mohobat teri tasveer nahi dikhti

ye mohobat

ye mohobat na jane kyon aisi hoti hai

dard deti hai bohat bedard hoti hai

hum isey pane ki koshish karte hai

kyon ye pass aake door jane ki koshish karti hai


wo mast honge apni duniya mein

hum yaha apno ke beech begane hain

mohobat ki hai hamne beintaha unse

abhi unki junba se pyar ke fasane baki hai


dil banke dhadakte hain wo dil mein hamare

sansein banke ke ruh mein utrte hain

na jane kyon itna ishk karte hain unko

kyon unke intzaar mein din raat tadpte hain

Dil Diwana

door tak jati jaha najar hai meri

tera chera mujhe najar aata hai wahi

teri aawaz ko taras gaye hain hum

tere shiwa kisi aur ka fasana labo mein aata mahi


wo tere ghar ki bijli ka jana

beech mein tumari mom ka aana

jab dil ko mere dard hone lage

tabhi mobile pe teri call ka aana


sansein intzaar karti hain dil ke darwaje pe

najro ko teri talash rehti hai

dekhta hoon jab tasveer teri

har ruh ko teri pyass rehti hai


ab tujhe sunne ke baad hi kano ko sukun aayega

tujhe dekhne ke baad bechain ankhon ko chain aayega

tera khayal mujhe bilkul nahi iss baat ki,

jhooti tasali dene ki iss dil ko koshish karta hoon


hai isk gar tujhe hamse tu khud bhi itna tadpti hogi

honto pe tere khushi hogi magar dil mein ek chubhan bhi hogi......

sayad dil ke kisis kone mein mere liye bhi jageh khali hogi..............

tujhe yaad aati hogi meri ya katal-e-mobobat ye meri jhooti umeed hogi....

Kismat hamari

Na tu itra karwato pe apni

teri kismat lagti khusnasseb hai

chumti hai teri lehre haseen kadam jinke

unhe pane ka hamein bhi suroor hai


E hawa ab tu bhi hamein yun na sata

yakinan tu chu kar unhe aayi hai

unki muskurahat ki ik jhalak ke liye jite hain hum

tu hamare rukshat hone ka pegam layi hai


Uf tere ye lehlahate bal

tere mathey ko chuta ye beri pasina

teri ankhon mein basi ye khoosiyon ki surat

tere honto se lipta ye dilkash tarana


kar khayal apne iss diwane ka, arzoo ye bhi teri karta hai

iss bhi to ek moka de, tere pass aane ka tujhe apna banane ka

e kash aisa hota

e kash mein hawa hota, tere husn ko chuta har dum

e kash mein pani hota, tere honto pe rehta har dum

e kash mein jariya hota, teri bato mein rehta har dum

e kash mein ruh hota, tere jism mein basta har dum


e kash mein waqt hota, tere liye hi chalta har dum

e kash mein nadiya hota, tere liye hi behta har dum

e kash mein bahar hota, tere liye hi aata har dum

e kash mein khusbu hota, sirf tujhe hi mehkata har dum


e kash mein khab hota, tere hi sapno mein aata har dum

e kash mein manjar hota, sirf tujhe hi najar aata har dum

e kash mein lamha hota, bas tere liye hi hota har dum

e kash mein aarzoo hota, tujhe hi manjil banata har dum


e kash mein khuda hota, sirf teri hi murat banata har dum

e kash mein haiqqiqat hota, to yun sapna na banta har dum

game ulfat to dekho iss diwane dil jinda hoke bhi jinda nahi

tere isk mein jita marta hai ab tere shiva koi aur majil nahi

Irrada hai

tujhe ankhon mein basane ka irada hai

tujhe palko mein sulane ka irada hai

tu meri ho na ho......

tujhe apna banane ka irada hai


tera door rehna iss dil ko ganwara nahi

tujhe khabo mein dekhna ab maksad hamara nahi

tujhe padne ki koshish karta hoon

tujhe bhool jata magar koi bahana nahi


phool tujhe dekh kar isara karte hain

tere pass aane ka zustju karte hain

rask karti hai lo, roshni pe uski

chand ko bhi tujhe dekh ke pasina aata hai


ibadat karoo to kya karoo wajeh nahi hai mere pass

muskurate hain hont mere dil mein lagi huee hai aag

na karta to kaise karta dil nahi hai mere pass

le liya hai tune ik muskurahat ke baad


tukhe dil banane ka irada hai

mohobat karne ka irada hai

ashiq bani huee hai manzil

hame bhi pyar ki kashti chalane ka irada hai

E husn

Nakhre husn ki adat hai

tadapna ashiqo ki nishani hai

wo chahat hi kya ehsaas nahi jisme

mere dil ka dhadakna tere pyaar ki meharbani hai


Warna.......

ye dhadakna band kar deta

sansein ruk jati

andhera cha jato ankhon mein hamari

iss dil ki aas bujh jati


Teri mohobat ne hamein diwana kar diya

madhosh kar diya, bekabu kar diya

hum to sagar kinare bethey they sapno ki duniya mein

tere pyar ki lehre hamein bahakar le gayee


hame diwana kar gayee, bekaboo kar gayee

Tujhe Ishq Karu To Kaise Karu

Teri reshmi julfo ka andhera

ye jheel si gehri ankhen

ye surkh gulabi hont tere

tere kadmo ki ye aahat


Nazre tera didar karna chati hain

sansein tujhe mehsoos karna chati hain

dil dastak deta hai dhadkano mein

mere jism ki khusboo tere badan se liptna chati hai


Sangmarmar si tarashi koi murat hai tu

fijaon mein basi koi jannat hai tu

tujhe ishq karu to kaise karu

mere dil mein basi, khyalo se bani surat hai tu

Sirf Tum

E aaine bata teri raja kya

tujhe isk hai unse ya hamase gila hai

log kehte hai tu haqqiqat baya karta hai

fir kyno tere arsh par chera unka ubharta hai


E sagar ki lehro mujhe itna batao

kyon jati udhar ho mera pyaar jaha hai

teri gehrayee se gehra hai isk hamara

apni umango ko na yu lehro mein bahao


E Chand tujhe teri chandani ki kasam

chup ja thodi der ke liye tujhe mohobat ki kasam

gar dekh liya mere chand ko, tu kho jayega

ruswa ho jayegi chandani teri, tujhe hamse gila ho jayega

Jahlak Dikhla Ja, Ek Bar Aaja

Kitna Haseen mosom, teri pyari yade
har boond mein chamakta tere chere ka noor
ye badal hain ya tere husn ki kayamat
tu bin dekhe hi aafreen lagti hai

Jahlak dikhla ja, ek bar aaja
mere sapno ko haqikat kar darya dikha ja
ye mosom ka hai rangeen sama
apne ashiq ko prem ka itr mehsoos kara ja

e humdum, e dilnashi
o badlo pe lehrati hawa ki sirkat
kuch palo mein hum pani ban ke beh jayenge
wo lamha aane se pehle apne husn se rubaru kara ja

jahlak dikhla ja, ek bar aaja!!!

Aapka Suroor

chaloge mere saath, tera saath hame pyara hai
intzaar mein tere har pal badi muskil se guzara hai
yun pyaar ki hado ka hame pata na tha;
kya aaj hamne har had ko par kar dala hai

tujhe door duniya se le jaunga
apne dil ka mehal tujhe dikhaunga
na lena izazat kuch kehne ki
har ruh ko tera gulam banaunga;

meri dhakano se saji sez hogi
teri sanson ki uspar khusbu hogi
tera jism odh loonga main
uski silwato ki mujhe zaroorat hogi

tera saath hai pyara hame
ise pana khuda-e-kismat hogi

Kyon Aisa Lagta Hai

ye husn hai unka jo kayamat lagta hai
sawan ki har boond ispe nayab moti lagta hai
hum barish se kyon shikayat kare
dil tujhe bahon mein lene ki ibadat karta hai

har ruh mein meri wo bas gaye hai aise
aag mein lipti teri low ho jaise
gawahi de raha hai chand aaj
sitare sharm se odh chuke hain badal jaise

meri jindagi teri sanson ki mohtaaj lagti hai
tujhe pyaar karna ik pyaari saza aaj lagti hai
mein hosh mein hoon madhosh to nahi
E janashi mujhe malika-e-husn tu aaj lagti hai

Iss Dil Ko Talash Thi Jiski

shiddat se hame talash thi jiski
puri nahi thi magar aas thi jiski
rehte they jo bas khyalo mein hamare
na jane inn ankhon mein basi wo tasveer thi kiski

Mehsoos kiya hai hamne uske ehsaas ko
tere labo se andaje baya lagta hai
ye mera sapne hai jo haikikat hua hai
jane kyon teri har baat pe aitbaar hota hai

zoostju pe teri hum ji na payenge
na muksura aise, sayad hum mar jayenge
izhaar-e-ishq sanam yu nazro se na kar
sile hont tere meri dhadkano ko juda kar jayenga

Chaahat

"Unhe pane ki chaahat
Apna banane ki chaahat
Kareeb aane ki chaahat
Kuch kehne ki chaahat"

"Ab to chaahat mein unki hum ruswa ho gaye hain
Akele ho gaye hain, Tanha ho gaye hain
Sayad khud se khafa ho gaye hain
Zamane se juda ho gaye hain"

"Chaahat mein unki hum ji na payenge
Nahi mile hamein to hum mar jayenge
Iss darde dil ki dawa dila do
Koi mujhe mere mehboob se mila do"

"Intzaar ab aur saha jata nahi
Ke chaahat mein unki dum nikal pata nahi
kya karein hum to majdhar mein phasein hain
Koi mujhe ik kasti dila do"

"Mujhe mere mehboob se mila do!!"

Main Tumse Pyar Karta Hoon

Aasmaan mein taare jitne hain
Sagar ke kinare jitne hain
Iss jameen ki lambai jitni hai
Aakash tak Unchai jitni hai
In sabse jada mein tumse pyaar karta hoon

Barish ki girti boondo ko dekho
Pani ki behti dhara ko dekho
Jiwan ke har rang ko dekho
Sine mein dhadakte iss dil ko dekho
In sabse jada mein tumse pyaar karta hoon

Achai ho, Burai ho
Bheed ho, Tanhai ho
Pass ho, Door ho
Mere ho, Ya kisi..........
Kuch bhi ho lekin mein tumse pyaar karta hoon

Mera dil ek hai, Meri jaan ek hai
izhaar ek hai, karar ek hai
Zindagi ek hai, Mera Pyaar ek hai
Kyonki mein sirf tumse pyaar karta hoon

Dil hi Dil mein

Aisi ankhon se na dekh
nazar mil zane se darta hum
Dil toot na jaye mera
dhadkano ke ruk jane se darta hun

Haye ye muskurana tera
hamein katal kar gaya
Na churi chali Na talwar
hamara dum nikal gaya

Dhire se ban gaye ho jindagi
meri sanson mein rehne lage ho
Kyon lagta hai aisa tum
mujhse pyar karne lage ho

Yeh dil pyar karta hai tumse
magar izhaar karne se darta hai
Tum na na keh do, kuch kehne se pehle
iss ehsaas se darta hai